പ്രേമം

"അമരം , ഭരതം എന്നീ സിനിമകൾ പോലെ ഒരു ഉദാത്ത ക്ലാസിക് സിനിമയാണ്  എന്ന് കരുതി ആരും "പ്രേമം" എന്ന സിനിമയുടെ ടിക്കറ്റ് എടുക്കേണ്ട.
ഉദ്വേഗജനകമായ കഥാസന്ദർഭങ്ങളും അച്ചടി ഭാഷയിലുള്ള സംഭാഷണങ്ങളും അനർഗനിർഗളങ്ങളായ വികാരവിക്ഷോഭങ്ങളും ഈ "പ്രേമ"ത്തിൽ ഇല്ല .
സംഭവബഹുലവും സ്തോഭജനകവും  അതിഭാവുകത്വം കലര്ന്നതുമായ ഒന്നും ഈ  "പ്രേമ"ത്തിൽ ഇല്ല .
ഈ "പ്രേമം " സരളവും സരസവും ആണ്.
ഈ "പ്രേമം" ആസ്വാദ്യകരമാണ്.
ഒരാളുടെ "പ്രേമ"ത്തെയും അതിന്റെ വിവിധ തലങ്ങളെയും വളരെ ഹാസ്യാത്മകവും തന്മയത്തോടും യാഥാർത്ഥ്യത്തോടും കൂടി അവതരിപ്പിച്ചിരിക്കുന്നു.
ഇതിന്റെ അവതരണശൈലിയോടാണ് എനിക്ക് "പ്രേമം" തോന്നിയത്, അൽഫോൻസ് പുത്രനു അഭിനന്ദനങ്ങൾ.
മൂന്നു കാലഘട്ടത്തിലെ നായകനെ അവതരിപ്പിച്ചപ്പോൾ മറുനാടൻ നായകന്മാർക്ക് കൊടുത്തയത്രയില്ലെങ്കിലും കുറച്ചു' പ്രേമം' നമുക്ക് നിവിൻ പോളി എന്ന അഭിനേതാവിനും കൊടുക്കാം.(മലയാളിയുടെ സ്ഥിരം പുച്ഛം ഒഴിവാക്കാം എന്ന് "പ്രേമ"പൂർവ്വം അഭ്യർത്ഥിക്കുന്നു).
എന്നെ പോലെയുള്ള സാധാരണ സ്ത്രീകൾക്ക് കൊമ്പ്ലെക്സ് ഉണ്ടാക്കുന്ന തരത്തിൽ ഒരുപാട് സൗന്ദര്യമുള്ള നായികമാർ ഇതിലില്ല എന്നത്" പ്രേമ"ത്തിന്റെ പ്രത്യേകതയാണ്, Foundation,Concealer തുടങ്ങിയവയിൽ മുങ്ങികുളിച്ച നായികമാരെ "പ്രേമ"ത്തിൽ "പ്രേമി"ക്കാൻ കിട്ടില്ല.

ഈ "പ്രേമം" മനസ്സിൽ പ്രേമം ഉള്ളവർക്കും മനസ്സിന് പ്രായമാകത്തവർക്കും ഒരിക്കലെങ്കിലും "പ്രേമി"ച്ചവർക്കും ഇഷ്ടപ്പെടും.
N B : ന്യു ജെനറേഷൻ എന്ന് പറഞ്ഞു പുച്ഛിക്കുന്നവർ അസൂയാലുക്കളും ടിക്കറ്റ് കിട്ടാത്തവരുമായി പ്രഖ്യാപിക്കപ്പെട്ടിരിക്കുന്നു .

Comments

Post a Comment

Popular posts from this blog

മോഹമഞ്ഞ

കെ. ആർ മീര എഴുതിയ "മോഹമഞ്ഞ" എന്ന ചെറുകഥ, ഒരു സ്ത്രീയും പുരുഷനും യാദൃശ്ചികമായി ഒരാശുപത്രിയിൽ വെച്ച് കണ്ടുമുട്ടുന്നു.രണ്ടുപേരും രോഗബാധിതർ. എങ്കിലും ലൈംഗികത്വത്തിൻറെ മാന്ത്രികശക്തിക്കു രണ്ടുപേരും വശംവദരാകുന്നു.അവർ രണ്ടുപേരും വിവാഹിതർ,മക്കളുള്ളവർ ( അവൾ വിവാഹമോചിതയാണ് ).രണ്ടുപേരും ക്രമേണ അടുക്കുന്നു. ലോഡ്ജിലെ, ഒരുമുറിയിൽ ഒരു കിടക്കയിൽ അവർ പരസ്പരം കണ്ടെത്തുന്നു. പിന്നീടു അവർ കാണുന്നതേയില്ല. ദിവസങ്ങള്ക്ക് ശേഷം, അയാളുടെ മരണവാർത്ത അവൾ അറിയുന്നു, അവളുടെ കണ്ണുകളിലെ "മോഹമഞ്ഞ" ബാധിച്ചാണ്‌ അയാൾ മരിച്ചതെന്നും അവൾ അറിയുന്നു.  "ശൂർപ്പണഖ" എന്ന ചെറുകഥ സ്ത്രീയുടെ സ്ഥായിയായ ഭാവത്തെ തള്ളിപറയുന്ന ഒരു ഫെമിനിസ്റ്റിന്റെ കഥപറയുന്നു.  "വ്യക്തിപരമായ ഒരു പൂച്ച", "അർദ്ധരാത്രികളിൽ ആത്മാക്കൾ ചെയ്യുന്നത്", " പായിപ്പാടുമുതൽ പേസ്മേക്കർ വരെ", "വാർത്തയുടെ ഗന്ധം" , "ഹൃദയം നമ്മെ ആക്രമിക്കുന്നു", "മരിച്ചവളുടെ കല്യാണം" എന്നിങ്ങനെ ലളിതമായ പച്ചയായ , നമ്മുടെ ജീവരക്തത്തിൽ അലിഞ്ഞു ചേര്ന്ന ആശയങ്ങളുടെ മൃദുപക്വമായ ആവിഷ്കാരമാണ് ഈ ചെറുകഥാസമാഹാരം. ...
Read more

ഗില്ലറ്റിൻ

ഒരു സമ്മർദിത നാടകവേദിയിലെ കുടിപാർപ്പുകാരാണ്  മനുഷ്യർ എന്നതിന് ഈ കഥകൾ അടിവരയിടുന്നു . ചരിത്രം കോമാളി വേഷത്തിൽ മർദ്ദനോപകരണവുമായി പ്രത്യക്ഷപ്പെടുമ്പോൾ കഥകൾ കൊണ്ട് തീർക്കാവുന്ന പ്രതിരോധങ്ങളാണു ഓരോ കഥയിലും പ്രത്യക്ഷമാകുന്നത്. നർമ്മബോധം പോലും വിലക്കപെട്ട സ്ത്രീലോകത്തിന്റെ പലതരം ഏകാന്തതകളെ ആത്മപരിഹാസത്തോളമെത്തുന്ന നിർമമതയൊടെ ഈ കഥാകാരി അടയാളപ്പെടുത്തുന്നു. കമിങ്ങ് ഔട്ട്‌ -  പുരുഷനും പുരുഷനും ഇണ ചേരാമോ? അങ്ങനെ അവർ കമിങ്ങ് ഔട്ട്‌ നടത്തുമ്പോൾ അവരെ സ്നേഹിക്കുന്ന അല്ലെങ്കിൽ അവർ സമൂഹത്തിനു മുന്നിൽ സ്വന്തം ആണും പെണ്ണും അല്ലാത്ത അവസ്ഥയെ മറച്ചുപിടിക്കാനായി ഒപ്പം കൂട്ടുന്നവരുടെ വികാരങ്ങൾ എന്ത് ? സേബയുടെ ലാസരിന്റെയും ജോണിന്റെയും ഡേവിഡിന്റെയും കഥകൾ അങ്ങനെയൊരവസ്ഥയിൽ നമ്മെ കൊണ്ടെത്തിക്കുന്നു. ഗില്ലറ്റിൻ - ഫ്രഞ്ച് റെവലൂഷന്റെ ഭാഗമായ ഗില്ലറ്റിനും  മക്സിമിലിയൻ റോബസ്പിയറും ഷാർലോട്ട് കൊർദെയും ഗുരുവും അജിതയും തമ്മിലുള്ള പ്രണയമില്ലാത്ത പ്രണയത്തെയും ആ ബന്ധത്തെ ഒരു ഗില്ലറ്റിൻ കൊണ്ട് വേദനിപ്പിക്കുന്നതിന്റെയും ആഖ്യാനമാണ് ഈ കഥയിൽ. നായ്ക്കോലം - എല്ലാവരും ഒരു സ്റ്റോറി ആകുന്ന ഒരു സമൂഹത്തിൽ നാം ഇപ്പോൾ ജീവി...
Read more

തിരുനെല്ലി, വയനാട്

“തിരുനെല്ലി കാടു പൂത്തു തിന തിന്നാൻ കിളിയിറങ്ങി കിളിയാട്ടും പെണ്ണെ തിരുകാവിൽ പോകാം കിളിയാട്ടും പെണ്ണേ കണ്ണെ തിരുകാവിൽ പോകാം കരിവളയും ചാന്തും വാങ്ങി തിരികെ ഞാൻ കുടിയിൽ ആക്കാം” ഈ പാട്ട്‌ 'ദിനരാത്രങ്ങൾ'എന്ന ചിത്രത്തിലേതാണെന്ന് നിങ്ങൾക്കെല്ലാം അറിയാം പക്ഷെ എനിക്കറിയില്ലായിരുന്നു. പാട്ട്‌ പരിചിതമാണെങ്കിലും ചിത്രം ഏതെന്ന് ഓർമ്മയുണ്ടായില്ല. "ഈ പാട്ടിൽ പരാമർശിക്കുന്ന സ്ഥലത്തേക്കാണോ ഇനി നമ്മൾ പോകുന്നത്‌" എന്ന ചോദ്യം കാന്തനോട്‌ ചോദിച്ച്‌ കൊണ്ടാണ്‌ യാത്ര തുടങ്ങുന്നത്‌. താമരശ്ശേരി ചുരം കയറി വയനാടൻ പ്രകൃതിയെ പ്രണയിക്കാൻ വന്നതായിരുന്നു ഞങ്ങൾ. വയലില്ലാത്ത നാടിന്‌ എങ്ങനെ വയനാട്‌ എന്ന പേര്‌ വന്നുവെന്ന് ചിന്തിച്ച്‌ ഞങ്ങളുടെ തലപുകഞ്ഞു വണ്ടിക്കുള്ളിലെല്ലാം പുക നിറഞ്ഞപ്പോൾ സാരഥിയായ സതീഷ്‌ വണ്ടി നിറുത്തി വയലുകൾ കാണിച്ചു തന്നു, ഇനി പരാതി പറയരുതെന്ന് ഒരു താക്കിതും തന്നു. ഞങ്ങൾ നിരുപാധികം ലേലു അല്ലു പറഞ്ഞു. അങ്ങനെ തിരുനെല്ലി ക്ഷേത്രദർശ്ശനത്തിനു വണ്ടിയൊടൊപ്പം ഞങ്ങളും കയറ്റം കേറി തുടങ്ങി. തിരുനെല്ലി ക്ഷേത്രം. കാടുകളാൽ ചുറ്റപ്പെട്ട്‌ കിടക്കുന്ന ബ്രഹ്മഗിരി കുന്നിന്റെ മുകളിലാണ്‌ ഈ ക്ഷേത്...
Read more