ഗുൽമോഹർ

"അമരം , ഭരതം എന്നീ സിനിമകൾ പോലെ ഒരു ഉദാത്ത ക്ലാസിക് സിനിമയാണ്  എന്ന് കരുതി ആരും "പ്രേമം" എന്ന സിനിമയുടെ ടിക്കറ്റ് എടുക്കേണ്ട. ഉദ്വേഗജനകമായ കഥാസന്ദർഭങ്ങളും അച്ചടി ഭാഷയിലുള്ള സംഭാഷണങ്ങളും അനർഗനിർഗളങ്ങളായ വികാരവിക്ഷോഭങ്ങളും ഈ "പ്രേമ"ത്തിൽ ഇല്ല . സംഭവബഹുലവും സ്തോഭജനകവും  അതിഭാവുകത്വം കലര്ന്നതുമായ ഒന്നും ഈ  "പ്രേമ"ത്തിൽ ഇല്ല . ഈ "പ്രേമം " സരളവും സരസവും ആണ്. ഈ "പ്രേമം" ആസ്വാദ്യകരമാണ്. ഒരാളുടെ "പ്രേമ"ത്തെയും അതിന്റെ വിവിധ തലങ്ങളെയും വളരെ ഹാസ്യാത്മകവും തന്മയത്തോടും യാഥാർത്ഥ്യത്തോടും കൂടി അവതരിപ്പിച്ചിരിക്കുന്നു. ഇതിന്റെ അവതരണശൈലിയോടാണ് എനിക്ക് "പ്രേമം" തോന്നിയത്, അൽഫോൻസ് പുത്രനു അഭിനന്ദനങ്ങൾ. മൂന്നു കാലഘട്ടത്തിലെ നായകനെ അവതരിപ്പിച്ചപ്പോൾ മറുനാടൻ നായകന്മാർക്ക് കൊടുത്തയത്രയില്ലെങ്കിലും കുറച്ചു' പ്രേമം' നമുക്ക് നിവിൻ പോളി എന്ന അഭിനേതാവിനും കൊടുക്കാം.(മലയാളിയുടെ സ്ഥിരം പുച്ഛം ഒഴിവാക്കാം എന്ന് "പ്രേമ"പൂർവ്വം അഭ്യർത്ഥിക്കുന്നു). എന്നെ പോലെയുള്ള സാധാരണ സ്ത്രീകൾക്ക് കൊമ്പ്ലെക്സ് ഉണ്ടാക്കുന്ന തരത്തിൽ ...